நேற்று ஞாயிற்றுக்கிழமை(04) இரவு அகில இலங்கை தமிழ்க் காங்கிரசின் சைக்கிள் சின்னத்தில் உள்ளூராட்சித் தேர்தலில் போட்டியிடும் தமிழ்த் தேசியப் பேரவையின் வேட்பாளர்களை ஆதரித்து யாழ். வதிரியில் இடம்பெற்ற தேர்தல் பிரசாரக் கூட்டத்தில் கலந்து கொண்டு உரையாற்றும் போதே அவர் இவ்வாறு தெரிவித்துள்ளார்.
அவர் மேலும் தெரிவிக்கையில்,
தமிழ்க் காங்கிரஸ் சிங்கக் கொடியை ஆதரித்த கட்சியாம் எனச் சுமந்திரன் இன்னொரு பொய்யைக் கட்டவிழ்த்து வருகின்றார். சிங்கக் கொடியிலே தமிழருக்கும் முஸ்லீம்களுக்கும் அடையாளம் இல்லாத நிலையில் அதனை ஏற்க மாட்டோம் எனக்கூறி அதனை எதிர்த்த தலைவரும் ஜீ.ஜீ பொன்னம்பலமே. அதன் பின்னர் தான் அந்தச் சிங்கக் கொடியிலே தமிழ், முஸ்லீம் மக்களின் அடையாளமாக இரு நிறங்கள் சேர்க்கப்பட்டன. அதன் பின்னர் நாங்கள் அந்தக் கொடியை ஆதரிக்கவுமில்லை. எதிர்க்கவுமில்லை. கையிலே அதனை ஏந்திக் கொண்டாடியதும் இல்லை.
எங்களைப் பொறுத்தவரை எழுபத்து ஏழாம் ஆண்டு வட்டுக்கோட்டைத் தீர்மானம் எடுக்கின்ற வரையும் தமிழ்க் காங்கிரஸ் இந்த நாட்டினைப் பிரிக்கச் சொல்லிக் கேட்கவில்லை. இந்த நாட்டிலே பல குறைகளிருந்தன. அதில் மாற்றுக் கருத்தில்லை. இது ஒரு ஐக்கிய நாடு. நாங்கள் இந்த நாட்டின் பிரஜைகள் எனச் செயற்பட்டு வந்தோம். ஆனால், 1977 ஆம் ஆண்டு வரை நாங்கள் இந்த நாட்டின் கொடியையோ, அங்கீகாரத்தையோ நிராகரிக்கவில்லை. நாமும் தமிழரசுக் கட்சியும் எமது வழிகளிலே பல முயற்சிகள் செய்தும் சிங்கள தேசம் அத்தனை முயற்சிகளையும் நிராகரித்த நிலையில் தான் இந்த இரு தரப்புக்களும் இணைந்து தமிழ்த் தேசத்தைக் காப்பாற்ற நாங்கள் எங்களுக்கென ஒரு தனியரசை உருவாக்கவேண்டும் என்ற தீர்மானத்துக்கு வருகின்றன.
அதனடிப்படையில் வட்டுக்கோட்டை தீர்மானம் நிறைவேற்றி மக்களின் ஆணையினைப் பெற்றோம். அதன் பின்னர் அகில இலங்கைத் தமிழ்க் காங்கிரஸ் எந்தவொரு இடத்திலும் சிங்கள தேசத்தை அங்கீகரித்ததுமில்லை. அவர்களின் சிங்கக் கொடியை கையில் தூக்கிப் பிடித்துக் கொண்டாடிதுமில்லை எனவும் சுட்டிக் காட்டினார்.
0 comments:
Post a Comment