யாழ்ப்பாணப் பல்கலைக்கழக கலைப்பீடத்தின் 2014,2015 கல்வியாண்டுக்கான முதலாம், இரண்டாம் வருட மாணவர்களுக்கும், 2015, 2016 கல்வியாண்டுக்கான முதலாம் வருட மாணவர்களுக்குமான கல்வி நடவடிக்கைகள் எதிர்வரும் திங்கட்கிழமை(20) மீள ஆரம்பிக்கப்படவுள்ளதாக பல்கலைக் கழகப் பதிவாளர் அறிவித்துள்ளார்.
மேற்குறித்த கல்வியாண்டுக்கான விடுதி மாணவர்கள் நாளை மறுதினம் 19 ஆம் திகதி ஞாயிற்றுக்கிழமை விடுதிகளுக்குத் திரும்ப முடியும்.
கலைப்பீடத்தில் சட்டத் துறை மற்றும் இராமநாதன் நுண்கலைத்துறை மாணவர்கள் தவிர்ந்த ஏனைய துறைகளைச் சார்ந்த மூன்றாம், நான்காம் வருட மாணவர்கள் விடுதி உட்பட பல்கலைக்கழக வளாகத்திற்குள் பிரவேசிப்பதற்கு மறு அறிவித்தல் வரை தடை விதிக்கப்பட்டுள்ளது எனவும் குறித்த அறிவித்தலில் தெரிவிக்கப்பட்டுள்ளது.
நிர்வாகத்தின் அறிவுறுத்தலையும் மீறி புதுமுக மாணவர்களின் வரவேற்பு நிகழ்வு கடந்த-11 ஆம் திகதி இடம்பெற்றமையால் இரு தரப்புக்களுக்குமிடையில் முறுகல் நிலை ஏற்பட்டது. இதனையடுத்து பல்கலைக் கழக வளாகத்தில் ஏற்பட்ட பதற்ற நிலைமை காரணமாக சட்டத் துறை, இராமநாதன் நுண்கலைத்துறை தவிர்ந்த ஏனைய துறைகள் மறு அறிவித்தல் வரை இடம்பெற மாட்டாது எனப் பல்கலைக் கழக நிர்வாகம் தெரிவித்திருந்தது.
0 comments:
Post a Comment