யாழில் நாளை 'மனிதநேய வேர்கள்' நினைவுப்பேருரை நிகழ்வு

மனித நேய அமைப்புக்கள் ஒழுங்கமைத்து நடாத்தும் அமரர் பொன்னுத்துரை பாலகிருஷ்ணன் அவர்களின் ஞாபகார்த்த நினைவுப்பேருரை நிகழ்வு "மனித நேய வேர்கள்" எனும் தலைப்பில் நாளை சனிக்கிழமை 16.09.2017 காலை 10 மணிக்கு நாவலர் வீதியில் அமைந்துள்ள தியாகி அறக்கொடை நிலையத்தில் (TCT Hall) இல் உள்ள சொர்ணாம்பிகை மண்டபத்தில் ஆரம்பமாகிறது.

இந்நிகழ்வின் தொடக்கவுரையினை யாழ். அரச அதிபர் வேதநாயகனும், சிறப்புரையினை உளவள ஆலோசகர் கோகிலா மகேந்திரனும், நினைவுரைகளை பல்வேறு பேச்சாளர்களும் நிகழ்த்துகின்றனர்.

அமரர் பொன்னுத்துரை பாலகிருஷ்ணன் சிறுகுறிப்பு 

1990ம் ஆண்டு ஏற்பட்ட பல இடப்பெயர்வுகளில்  அரச சார்பற்ற  நிறுவனங்களையும் அரச  நிர்வாகத்தையும் இணைத்து இடம் பெயர்ந்த மக்களது துயரங்களை  துடைப்பதில்  அயராது உழைத்தார்.

1995 இன் பின்னர் இடப்பெயர்வுகள் , மீள்குடியேற்றங்கள் , சுனாமி அனர்த்த காலங்களிலும் 2009ம் ஆண்டு இறுதி யுத்தத்தின்  பின்னர் வன்னியிலிருந்து யாழ் மாவட்டத்தில் மீள்குடியேறிய குடும்பங்களுக்காகவும் அளப்பரிய சேவை புரிந்துள்ளார்.

பொருளாதார நெருக்கடிகள் மிகுந்திருந்த 1990 கால கட்டத்தில் இடம் பெயர்ந்த குடும்பங்களது  நிவாரணப் பணிகளுக்காக  யேர்மன் சமஷ்டிக் குடியரசின் 300 மில்லியன் DM  நிதியை உள்ளூர்  அரச சார்பற்ற  நிறுவனங்களின்  இணையத்தின் ஊடாக  சர்வதேச  நிறுவனங்கள்  மாவட்ட  அரச நிர்வாகத்துடன்  இணைந்து செயல்பட்டு  இடம் பெயர்ந்த மக்களது நெருக்கடியை தீர்க்க உதவினார்.

1991  இல் உணவுப் பொருட்களுக்கு  கடுமையான தட்டுப்பாடிருந்த வேளை CARE  நிறுவனத்தின்  சுழற்சி நிதி மூலம்  உள்ளூர் அரச சார்பற்ற  நிறுவனங்கள்  விசேட  கப்பல் மூலம் கொழும்பிலிருந்து  விவசாய உள்ளீடுகள்  தருவிக்க  தீவிரமாகச் செயற்பட்டு  விவசாய உற்பத்தியை  தொடர வழிவகுத்திருந்தார்.

முன்னைநாள் அரச சார்பற்ற நிறுவனங்களின்  இணையத்தின்  நிர்வாக உத்தியோகத்தர், முன்னைநாள் UNHCR  திட்ட அலுவலராக கடமையாற்றியதன் மூலம் மனித நேய செயற்பாட்டாளராக பலராலும் நன்கு அறியப்பட்டவர். 

31.07.2017 அன்று இறைபதமடைந்த பொன்னுத்துரை பாலகிருஷ்ணன் அவர்களை இந்நேரத்தில் நினைவு கூருவது எம் அனைவரதும் கடமையாகும்.

இந்த செய்தியை நண்பர்களுடன் பகிர்ந்து கொள்ள...