யாழ். பல்கலைக்கழகத்தின் வளாகத்தில் தமிழீழ விடுதலைப் புலிகளின் தலைவர் வே.பிரபாகரனுக்குப் பிறந்தநாள் வாழ்த்துக்கள் தெரிவிக்கப்பட்டும், மாவீரர் நாள் நவம்பர்-27 எனக் குறிப்பிடப்பட்டும் பல்வேறு துண்டுப் பிரசுரங்கள் ஒட்டப்பட்டுள்ளன. குறித்த சுவரொட்டிகளின் கீழ் 'பல்கலைக் கழக சமூகம்' எனக் குறிப்பிடப்பட்டுள்ளது.
தற்போது தமிழர் தாயகப் பகுதிகளிலும், புலம்பெயர் தேசங்களிலும் மாவீரர் வாரம் உணர்வெழுச்சியுடன் அனுஷ்ட்டிக்கப்பட்டு வரும் நிலையில் நாளை சனிக்கிழமை(26) விடுதலைப் புலிகளின் தலைவர் வே.பிரபாகரனின் 62 ஆவது பிறந்த தினம் அனுஷ்ட்டிக்கப்படுகிறது. இந்த நிலையில் 'இனிய பிறந்தநாள் வாழ்த்துக்கள் கரிகாலன்' எனக் குறிப்பிடப்பட்டுப் பிரபாகரனின் புகைப்படங்களைத் தாங்கிய வர்ணச் சுவரொட்டிகள் பல ஒட்டப்பட்டுள்ளன. இதனால், பல்கலைக் கழக வளாகத்தில் ஒரு வித பரபரப்பு நிலவுகிறது.
0 comments:
Post a Comment