கோப்பாய் திருக்குறள் மன்றம் பாடசாலை மாணவர்களுக்கிடையே நடத்திய திருக்குறள் அறிவியல் போட்டிகளுக்கான பரிசளிப்பு விழா 20.12.2016 செவ்வாய்க்கிழமை காலை 9 மணிக்கு மன்றத் தலைவர் க.தர்மராஜா தலைமையில் நடைபெற்றது.
இதில் பிரதம விருந்தினராக கோப்பாய் ஆசிரிய கலாசாலை பிரதி முதல்வர் ச.லலீசனும் சிறப்பு விருந்தினராக கோப்பாய் கிறிஸ்தவக் கல்லூரி அதிபர் ச.வேலழகனும் கலந்து கொண்டனர்.
நிகழ்வில் திருமதி ம.கணேசலிங்கம் கடவுள் வாழ்த்து இசைத்தார். மன்றப் பொருளாளரும் ஓய்வு பெற்ற அதிபருமாகிய இ.இராஜமகேந்திரன் வரவேற்புரையாற்றினார். மன்றச் செயலாளரும் யாழ். சன்மார்க்க வித்தியாலய அதிபருமாகிய மு.முரளிதரன் நிகழ்வை நெறிப்படுத்தினார்.
கோப்பாய் பிரதேச பாடசாலை மாணவர்களுக்கிடையே நடத்தப்பட்ட போட்டிகளில் வெற்றியீட்டிய முந்நூறுக்கும் மேற்பட்டோருக்குப் பரிசில்கள் வழங்கப்பட்டன.
பரிசில்களை பிரதம மற்றும் சிறப்பு விருந்தினர்களோடு மன்றப் போசகர் ஓய்வு பெற்ற ஆசிரியர் கா.திருச்செல்வம், ஓய்வு பெற்ற பொறியியலாளர் ஐ.சிவலோகநாதன், ஆசிரியர் கா. திருப்பதி ஆகியோரும் வழங்கினர்.
0 comments:
Post a Comment