யாழ். குரும்பசிட்டி நலிவுற்றோர் நலநோன்பு நிலையத்தினால் சித்திரைப் புத்தாண்டை முன்னிட்டு நடாத்தப்படும் முதியோர்களுக்கான விளையாட்டுப் போட்டியும், கெளரவிப்பு விழாவும் இன்று ஞாயிற்றுக்கிழமை(16) பிற்பகல்-02.30 மணி முதல் குரும்பசிட்டியிலுள்ள யாழ். பொன் பரமானந்தர் மகாவித்தியாலய விளையாட்டு மைதானத்தில் சமாதான நீதவான் து. கலியுகவரதன் தலைமையில் இடம்பெறவுள்ளது.
இந்த விழாவில் வடமாகாண சபை உறுப்பினர் பாலச்சந்திரன் கஜதீபன் பிரதம விருந்தினராகவும், தெல்லிப்பழைப் பிரதேச செயலக மேலதிக மாவட்டப் பதிவாளர் செ.சாருதர்சன், சுன்னாகம் தேசிய சேமிப்பு வங்கியின் முகாமையாளர் திருமதி.சித்திரா தயானந்தன், தெல்லிப்பழை பிரதேச செயலக சமூக சேவை உத்தியோகத்தர் வ. கதிரமலை, தெல்லிப்பழைப் பிரதேச செயலக சமூக சேவை உத்தியோகத்தர் வ.கதிரமலை, தெல்லிப்பழைப் பிரதேச செயலக விளையாட்டு உத்தியோகத்தர் சி.சிவபாலன் ஆகியோர் சிறப்பு விருந்தினர்களாகவும் கலந்து கொள்ளவுள்ளனர்.
இதன் போது பலூன் உடைத்தல், கிடுகு பின்னுதல்,நீர் நிரப்புதல், பெண்களுக்கான தேங்காய் திருவுதல், வேகநடை போன்ற பல்வேறு விளையாட்டு நிகழ்வுகளும் நடாத்தப்படவுள்ளன. அத்துடன் 90 வயதுக்கு மேற்பட்ட மூத்தோர்கள் பதக்கம் சூட்டிக் கெளரவிக்கப்படவுள்ளனர்.
இந்த நிகழ்வில் விளையாட்டு ஆர்வலர்கள்,பொதுமக்கள் அனைவரையு
0 comments:
Post a Comment