அவரது நினைவுத்தூபி திரைநீக்கம் செய்து வைக்கப்பட்டதைத் தொடர்ந்து விருந்தினர்கள மங்கள வாத்தியங்கள் சகிதம் கலாசார நடனத்துடன் அரங்கிற்கு அழைத்து வரப்பட்டனர்.
தொடர்ந்து அவர் வாழ்ந்த இடத்திலிருந்து சற்றுத் தூரத்திலுள்ள காணியில் அமைக்கப்பட்ட சி. வை. தாமோதரம்பிள்ளையின் உருவச்சிலை யாழ். மாவட்ட அரசாங்க அதிபர் நாகலிங்கம் வேதநாயகனால் சம்பிரதாயபூர்வமாகத் திறந்து வைக்கப்பட்டது. அதனைத் தொடர்ந்து உருவச்சிலைக்கு மலர் மாலை அணிவிக்கும் நிகழ்வு இடம்பெற்றது.
கலை, கலாசார நடன நிகழ்வுகள் இடம்பெற்றதைத் தொடர்ந்து தாமோதரம்பிள்ளை உருவச் சிலையை உருவாக்கிய சிற்பக் கலைஞர் மட்டுவிலைச் சேர்ந்த சிற்பி மனோகரன் சிறப்பாகக் கெளரவிக்கப்பட்டார். இதனையடுத்துத் "தாமோதரம்" என்ற மலர் சம்பிரதாயபூர்வமாக வெளியீடு செய்து வைக்கப்பட்டது.
இதன்போது சிறுப்பிட்டிக் கிராமத்திலிருந்து பல்கலைக்கழகங்களுக்குத் தெரிவாகிய மாணவ, மாணவிகளுக்கு நினைவுப் பரிசில்கள் வழங்கி வைக்கப்பட்டது.
இந்த விழாவில் கிராம மக்கள், ஆர்வலர்கள் எனப் பலரும் கலந்துகொண்டு சிறப்பித்தனர்.
0 comments:
Post a Comment