யாழ். வலிகாமம் கல்வி வலயத்தின் சாதனையாளர் கெளரவிப்பு விழா நேற்று சனிக்கிழமை(26) முற்பகல்-09 மணி முதல் சுன்னாகம் இராமநாதன் கல்லூரியின் கலையரங்கத்தில் வலிகாமம் கல்வி வலயப் பணிப்பாளர் செ.சந்திரராஜா தலைமையில் இடம்பெற்றது.
இந்த விழாவில் வடமாகாண ஆளுநர் ரெஜினோல்ட் குரே பிரதம விருந்தினராகவும், வடமாகாணப் பிரதிப் பிரதம செயலாளர் எஸ். யூ. சந்திரகுமாரன் கெளரவ விருந்தினராகவும் கலந்து கொண்டனர்.
இந்த விழாவின் போது வலிகாமம் கல்வி வலயத்திற்குட்பட்ட சிறந்த அதிபர்கள், ஆசிரியர்கள் ஆகியோர் விருதுகள் வழங்கிக் கெளரவிக்கப்பட்டனர். அத்துடன் பாடசாலை மாணவர்களின் பல்வேறு கலைநிகழ்வுகளும் அரங்கேற்றப்பட்டன.
இந்த விழாவில் வடமாகாண ஆளுநரின் செயலாளர் எஸ்.இளங்கோவன், பிரதித்திட்டமிடல் பணிப்பாளர் சந்திரகுமார்,மற்றும் வடமாகாணக் கல்விப்பணிப்பாளர் செ.உதயகுமார், கோட்டக்கல்விப் பணிப்பாளர், அதிபர்கள், ஆசிரியர்கள் எனப் பலரும் கலந்துகொண்டனர்.
0 comments:
Post a Comment