வடமாகாண குத்துச்சண்டைப் போட்டியில் முல்லைத்தீவு மாவட்டம் முதலிடம் (Photos)

வடமாகாண ரீதியாக நடைபெற்ற குத்துச்சண்டை போட்டியில் முதலாம் இடத்தை முல்லைத்தீவு மாவட்டம் தட்டிச்சென்றுள்ளது.

வடமாகாண ரீதியாக மாவட்ட அணிகளுக்கிடையிலான குறித்த குத்துச்சண்டை போட்டிகள் கடந்த சனிக்கிழமை முல்லைத்தீவு குத்துச்சண்டை பயிற்சி நிலையத்தில் நடைபெற்றது.

இதில் முல்லைத்தீவு மாவட்டம் 4 தங்கப்பதக்கம், 2 வெள்ளிப்பதக்கம், 3 வெண்கலப்பதக்கம் என்பவற்றை சுவீகரித்து 27.5 புள்ளிகளைப் பெற்று முதலாம் இடத்தை கைப்பற்றியது.

யாழ் மாவட்ட அணி 3 தங்கப்பதக்கம் , 3 வெள்ளிப்பதக்கம், 2 வெண்கலப்பதக்கம், என்பவற்றை கைப்பற்றியதுடன் 25 புள்ளிகளைப் பெற்று இரண்டாம் இடத்தை பெற்றுக்கொண்டது.

வவுனியா மாவட்டம் 2 தங்கப்பதக்கம் , 2 வெள்ளிப்பதக்கம், 3 வெண்கலப்பதக்கம் என்பவற்றை கைப்பற்றி 19.5 புள்ளிகளை பெற்று மூன்றாம் இடத்தைப் பெற்றது.

இந்த செய்தியை நண்பர்களுடன் பகிர்ந்து கொள்ள...