யாழ்.யோகா உலகம் அமைப்பின் யோகாப் போதனாசிரியர்களான சிவஞானசுந்தரம் உமாசுதன், சோமசுந்தரம் முகுந்தன், பாலசிங்கம் சாந்தரூபன், யோகேந்திரம் பிரசாத் ஆகியோர் கலைமாமணி விருதைப் பெற்றுக் கொண்டனர்.
சர்வோதயமும், தேசோதய அமைப்பும் இணைந்து யாழ். மாவட்டச் சர்வோதய மண்டபத்தில் நடாத்திய மக்கள் திலகம் எம்.ஜி.ஆரின் நூறாவது ஜனன தின நினைவு விழா யாழ்.மாவட்டத்தின் கலை, கலாசார உயர்ச்சிக்காகவும், மக்களின் கலாசார மேம்பாட்டிற்காகவும் அர்ப்பணிப்புடன் சேவையாற்றிய மக்கள் நலன் பேணும் கலை நேய மிக்க பல்துறை சார் கலைஞர்களைக் கெளரவிக்கும் முகமாக யாழ்.கண்டிவீதியிலுள்ள சர்வோதய மண்டபத்தில் இடம்பெற்ற போது குறித்த விருது வழங்கப்பட்டுள்ளது.
இவர்களுக்கான விருதினை யாழ்.இந்தியத் துணைத் தூதுவர் ஆ. நடராஜன் பிரதம விருந்தினராகக் கலந்து கொண்டு சம்பிரதாயபூர்வமாக வழங்கி வைத்தார்.
யாழ்.யோகா உலகம் அமைப்பின் பயிற்சி நிலையம் நல்லூர்த் தேரடிக்கு அருகிலுள்ள அறுபத்து மூன்று நாயன்மார் குருபூசை மண்டபத்தில் இயங்கி வருகிறது. இந்த அமைப்பு யாழ்.மாவட்டத்தில் யோகாச் செயற்பாடுகளை வினைத் திறனுடன் ஆற்றி வருவதும் இங்கு குறிப்பிடத்தக்கது.
0 comments:
Post a Comment