ஏழாலை வடக்கு விவேகானந்தர் இளைஞர் கழகத்தின் ஆண்டு விழாவும் கல்விச் சாதனையாளர் கௌரவிப்பும் 26-02-2017 காலை ஏழாலை வடக்கு கிழக்கு சனசமூக நிலைய மண்டபத்தில் நடைபெற்றது.
விவேகானந்தர் இளைஞர் கழகத் தலைவர் சைவப்புலவர் க.கனகதுர்க்கா தலைமையில் நடைபெற்ற இந்நிகழ்வில் கோப்பாய் ஆசிரிய கலாசாலை பிரதி முதல்வர் ச.லலீசன் பிரதம விருந்தினராகக் கலந்து கொண்டார்.
சிறப்பு விருந்தினர்களாக ஹச் தொலைத்தொடர்பால் சேவையின் யாழ் பிராந்திய முகாமையாளர் க.கவிச்செல்வன், தேசிய அபிவிருத்தி வங்கியின் யாழ் மாவட்டத் திட்டமிடல் நிறைவேற்று உத்தியோகத்தர் பா. நிரஞ்சன் ஆகியோரும் கௌரவ விருந்தினர்களாக கிராம அலுவல்களான வடகோவை ஐ.வரதராஜன், சசிகலா தினேஸ் ஆகியோரும் கலந்து கொண்டனர்.
நிகழ்வில் சிறந்த பெறுபேறுகள் பெற்று பல்கலைக்கழகத்திற்குத் தெரிவான மாணவர்கள் பதக்கங்கள் சூட்டப்பெற்றுக் கௌரவிக்கப்பட்டனர். கலை நிகழ்ச்சிகளும் இடம்பெற்றன.
0 comments:
Post a Comment