யாழ்ப்பாணத்தின் குறியீட்டை பிரதிபலிக்கும் ''யாழ்'' இசைக்கருவிகள் அன்பளிப்பு நிகழ்வு கடந்த 30.03.2017 வியாழக்கிழமை காலை யாழ் நூலகத்திலும் , யாழ் பல்கலைக்கழகத்திலும் இடம்பெற்றது.
யாழ். பொது நூலகத்தில் பிரதம நூலகர் சுகந்தி தலைமையில் இன்று நடைபெற்ற நிகழ்வில் யாழ். மாநகர ஆணையாளர் பொ.வாகீசனிடம் இந்த யாழ் இசைக்கருவியைப் பெற்றுக் கொண்டார்.
யாழ்ப்பாணத்தின் குறியீட்டை பிரதிபலிக்கும் ''யாழ் ''இசைக்கருவிகள் இரண்டு யாழ்ப்பாண பொது நூலகத்திற்கும், யாழ். பல்கலைக்கழகத்திற்கும் அன்பளிப்பு செய்யப்பட்டுள்ளது. யாழ்ப்பாணத்தின் குறியீடாகவும், அடையாளமாகவும் கருதப்படும் சின்னமான ''யாழ் ''இசைக்கருவியினை யாழ். மத்திய கல்லூரி பழைய மாணவரும் தற்போது நோர்வேயில் வசித்து வரும் புலம்பெயர் தமிழரான கந்தமூர்த்தி கலாரெஜி அன்பளிப்பு செய்துள்ளார்.
இந்த யாழ் இசைக்கருவியில் ஒன்றை யாழ் பொதுநூலகத்திற்கும், மற்றொன்றை யாழ்.பல்கலைக்கழக நுண்கலைப்பீடத்திற்கும் வழங்கியுள்ளமை குறிப்பிடத்தக்கது.
படங்கள், வீடியோ – ஐ.சிவசாந்தன்
0 comments:
Post a Comment