யாழ். இந்தியத் துணைத் தூதரகத்தின் ஏற்பாட்டில் மகாகவி சுப்பிரமணிய பாரதியாரின் பிறந்த தின நினைவு நிகழ்வு இன்று திங்கட்கிழமை(11) பிற்பகல்-04 மணியளவில் யாழ். நல்லூர் துர்க்காதேவி மணி மண்டபத்தில் ஆரம்பமாகி இடம்பெற்று வருகிறது.
யாழ். இந்தியத் துணைத் தூதுவர் ஆ. நடராஜன் தலைமையில் இடம்பெற்ற இந்த நிகழ்வில் வடமாகாண முதலமைச்சர் சி. வி.விக்கினேஸ்வரன் பிரதம விருந்தினராகக் கலந்து கொண்டுள்ளார்.
இந்நிகழ்வில் மகாகவி பாரதியாரின் வாழ்வும் பணிகளும் தொடர்பாக வடமாகாண முதலமைச்சர் சிறப்புரை ஆற்றியுள்ளதுடன், பாரதியார் இயற்றிய பாடல்களை மாணவியொருவர் வீணையில் தத்ரூபமாக இசைத்துப் பார்வையாளர்களை வெகுவாகக் கவர்ந்தார். அத்துடன் மகாகவி பாரதியாரின் பிறந்த தினத்தை முன்னிட்டுப் பல்வேறு கலைநிகழ்வுகளும் தொடர்ச்சியாக இடம்பெற்று வருகிறது.
இந்நிகழ்வில் யாழ். பல்கலைக்ழகத் துணைவேந்தர் பேராசிரியர் இ.விக்கினேஸ்வரன், இலங்கை சிவசேனை அமைப்பின் தலைவர் மறவன்புலவு க. சச்சிதானந்தன் உள்ளிட்ட பல்வேறு முக்கியஸ்தர்களும், பெருமளவான ஆர்வலர்களும் கலந்து கொண்டுள்ளனர்.
0 comments:
Post a Comment