கிளிநொச்சிப் பளைப் பிரதேசத்தில் இன்று திங்கட்கிழமை(08) இரவு இடம்பெற்ற துப்பாகிப் பிரயோகச் சம்பவத்தில் ஒருவர் படுகாயமடைந்துள்ளார்.
குறித்த சம்பவம் இன்று திங்கட்கிழமை(08) இரவு-07 மணியளவில் இடம்பெற்றுள்ளதாகப் பளைப் பொலிஸார் தெரிவித்துள்ளனர்.
வீதியில் நடந்து சென்று கொண்டிருந்த 37 வயது நபர் மீதே இந்தத் துப்பாக்கிப் பிரயோகம் மேற்கொள்ளப்பட்டுள்ளது.
சம்பவத்தில் காயமடைந்தவர் பளை வைத்தியசாலையில் அனுமதிக்கப்பட்டு மேலதிக சிகிச்சைகளுக்காக யாழ். போதனா வைத்தியசாலைக்கு மாற்றப்பட்டுள்ளதாகப் பளைப் பொலிஸார் தெரிவித்தனர்.
குறித்த நபரது மார்பு மற்றும் கைப் பகுதியில் காயங்கள் ஏற்பட்டுள்ள அதேவேளை அவர் பயணித்த மோட்டார்ச் சைக்கிளிலும் துப்பாக்கி ரவைகளின் துளைகள் உள்ளதாகப் பொலிஸார் மேலும் தெரிவித்துள்ளனர்.
சம்பவத்துக்கான சரியான காரணம் இதுவரை தெரியவராத நிலையில் சம்பவம் தொடர்பாகப் பளைப் பொலிஸார் மேலதிக விசாரணைகள் மேற்கொண்டு வருகின்றனர்.
0 comments:
Post a Comment