யாழ் பல்கலைக்கழக முன்னாள் முகாமைத்துவ மற்றும் வணிகபீட பேராசிரியர் கந்தையா தேவராஜாவைக் கெளரவிக்கும் சிறப்பு நிகழ்வு அண்மையில் பிரித்தானியாவில் நடைபெற்றது.
இலண்டன் கனகதுர்க்கை அம்மன் ஆலய மண்டபத்தில் பிரித்தானியா வாழ் இணுவில் மக்கள் மற்றும் இணுவில் பொதுநூலக இலண்டன் அமைப்புக்குழுவின் அனுசரணையில் பிரமாண்டமாக இந்த நிகழ்வு ஏற்பாடு செய்து நடாத்தப்பட்டது.
இந்த நிகழ்வில் இலண்டன் சவுத்பாங் பல்கலைக்கழகப் பேராசிரியர் திருமதி ச. கமலினி, நியூகாம் கவுன்சிலர் ப. சத்தியநேசன் , பிறன்ற் கவுன்சிலர் கணநாதன், ஆகியோர் சிறப்பு விருந்தினர்களாகவும் கலந்துகொண்டனர்.இதன் போது பேராசிரியரின் 40 ஆண்டு காலத் தொடர் சேவையைப் பாராட்டி பிரித்தானியா வாழ் இணுவில் மக்கள் அவருக்கு “அறிவியல் பேரொளி” எனும் விருதும், நினைவுப் பரிசிலும் வழங்கி வைக்கப்பட்டது.
இந்த நிகழ்வில் சட்டத்தரணிகள், கவிஞர்கள், புத்திஜீவிகள், புலம்பெயர் வாழ் இணுவில் கிராம மக்கள் பல நூற்றுக்கணக்கானவர்கள் கலந்து கொண்டனர்.
(எஸ்.ரவி-)
0 comments:
Post a Comment