உதவிப் பொலிஸ் இன்ஸ்பெக்டர் உட்பட மூன்று பொலிஸ் கான்ஸ்டபிள்களே இவ்வாறு காலி பொலிஸாரால் கைது செய்யப்பட்டுள்ளனர்.
ஹிக்கடுவை பிரதேசத்தில் மூவர் பெறுமதியான வலம்புரிச் சங்குகுளை விற்பனைக்காக வைத்திருப்பதாக கைது செய்யப்பட்ட உதவிப் பொலிஸ் இன்ஸ்பெக்டருக்கு கிடைத்த தகவலொன்றின் அடிப்படையில் அவரும், ஏனைய மூன்று கான்ஸ்டபிள்களும் அங்கு சென்று அந்த மூவரிடமிருந்த வலம்புரிச் சங்குகளைக் கைப்பற்றியுள்ளனர்.
ஆனால், குறித்த பொலிஸ் அதிகாரிகள் வலம்புரிச் சங்குகளை கைப்பற்றிய போதும் அதனை வைத்திருந்த மூவரையும் விடுவித்துள்ளனர். இதனையடுத்தே பொலிஸ் அதிகாரிகள் நால்வரும் கைது செய்யப்பட்டுள்ளனர்.
கைப்பற்றப்பட்ட வலம்புரிச் சங்குகளின் பெறுமதி ஒரு கோடி ரூபா என மதிப்பிடப்பட்டுள்ளமையும் இங்கு குறிப்பிடத்தக்கது.
0 comments:
Post a Comment