யாழின் முக்கிய பொதுச் சந்தையான திருநெல்வேலிப் பொதுச் சந்தையில் முன்னர் 80 ரூபா முதல் 90 ரூபா வரை விற்பனை செய்யப்பட்ட ஒரு கிலோ கதலி வாழைப்பழம் இன்றைய தினம்(06) 40 ரூபா முதல் 50 ரூபா வரை விற்பனையாகியது. 70 ரூபா முதல் 80 ரூபா வரை விற்பனை செய்யப்பட்ட ஒரு கிலோ இதரை வாழைப்பழம் 50 ரூபாவாகவும் விற்பனையானது.
குடாநாட்டிலுள்ள சந்தைகளில் வாழைக்குலைகளின் வரத்துத் தற்போது அதிகரித்துக் காணப்படுகின்ற போதும் வாழைப்பழங்களின் விற்பனை குறைவாகவேயுள்ளதாக வியாபாரிகள் தெரிவிக்கின்றனர். தற்போது வீடுகளில் சுபநிகழ்வுகள் இடம்பெறாமையே இதற்கான காரணமெனவும் அவர்கள் மேலும் தெரிவிக்கின்றனர்.
இதேவேளை,கதலி மற்றும் இதரை வகை வாழைப்பழங்களின் விற்பனை குறைவடைந்த காரணத்தால் திருநெல்வேலிப் பொதுச் சந்தையில் அதிகளவு வாழைக்குலைகள் தேங்கிய நிலையில் காணப்படுகின்றமையும் குறிப்பிடத்தக்கது.
(எஸ்.ரவி-)
0 comments:
Post a Comment