யாழ்.காரைநகர் கடற்பரப்பில் அத்துமீறிய 17 இந்திய மீனவர்கள் கைது(Photos)

யாழ்.காரைநகர்ப்  பிரதேசத்தை அண்மித்த கடற்பரப்பில் அத்துமீறி மீன்பிடியில் ஈடுபட்ட 17 இந்திய மீனவர்கள் நேற்றுப்  புதன்கிழமை(21) பிற்பகல் நெடுந்தீவுக் கடற்படையினரால் கைது செய்யப்பட்டுள்ளனர்.

கைது செய்யப்பட்ட மீனவர்கள் மற்றும் படகுகள் காங்கேசன்துறைக்குக் கொண்டு செல்லப்பட்டு அதனைத் தொடர்ந்து யாழ். கடற்தொழில் உதவிப் பணிப்பாளரிடம் இன்று பகல் ஒப்படைக்கப்பட்டுள்ளனர்.

தமிழ்நாட்டின் இராமநாதபுரம் மற்றும் ஜெகதாப்பட்டிணம் ஆகிய பகுதிகளைச் சேர்ந்த குறித்த 17 மீனவர்களும் நேற்று யாழ்.காரைநகரை அண்மித்த கடற்பரப்பில் அத்துமீறி மீன்பிடித்துக் கொண்டிருந்த போது நெடுந்தீவுக் கடற்படையினரால் கைது செய்யப்பட்டிருந்தனர்.

கைது செய்யப்பட்ட மீனவர்களிடமிருந்து மூன்று இழுவைப் படகுகளும் கடற்படையினரால் பறிமுதல் செய்யப்பட்டுள்ளன. கைது செய்யப்பட்ட 17 மீனவர்களையும் யாழ். ஊர்காவற்துறை நீதிமன்றத்தில் ஆஜர்படுத்த நடவடிக்கை மேற்கொள்ளப்பட்டுள்ளது.

இந்த செய்தியை நண்பர்களுடன் பகிர்ந்து கொள்ள...