யாழில் அரசியல் கலந்துரையாடலில் பங்கேற்ற இளைஞனுக்கு நேர்ந்த அவலம்

யாழ். கொக்குவிலில் பாதுகாப்பாக நிறுத்தி வைக்கப்பட்டிருந்த  துவிச்சக்கர வண்டியொன்றை மர்மநபர்கள் இன்று வெள்ளிக்கிழமை(08) பட்டப்பகலில் கொள்ளையிட்டுச் சென்றுள்ளனர்.

அரசியல் தொடர்பான விசேட கலந்துரையாடலொன்று இன்று வெள்ளிக்கிழமை(08) பிற்பகல்-04 கொக்குவில் சந்தியிலுள்ள தேசிய கலை இலக்கியப் பேரவையின் கவிஞர் முருகையன் கேட்போர் கூடத்தில் இடம்பெற்றது. இந்த விசேட கலந்துரையாடலில் பல்வேறு அமைப்புக்களின் பிரதிநிதிகள், அரசியல் ஆர்வலர்கள், இளைஞர்கள் எனப் பலரும் கலந்து கொண்டிருந்தனர்.

குறித்த நிகழ்வில் அச்சுவேலிப் பகுதியைச் சேர்ந்த இளைஞரொருவரும் ஆர்வத்துடன் கலந்து கொண்டிருந்தார். குறித்த இளைஞர் கலந்துரையாடல் முடிவடைந்த பின்னர் பிற்பகல்-06.30 மணியளவில் சென்று பார்த்த போது அங்கு பாதுகாப்பாக நிறுத்தி வைக்கப்பட்டிருந்த துவிச்சக்கர வண்டி திருட்டுப் போயிருந்தமை கண்டு அதிர்ச்சியடைந்துள்ளார்.

துவிச்சக்கரவண்டி திருட்டுப் போனமையால்   மீண்டும் தனது வீடு நோக்கிச் செல்வதில் குறித்த இளைஞர் சிரமங்களை எதிர்நோக்கினார்.

பெறுமதியான துவிச்சக்கர வண்டியே இவ்வாறு திருடிச் செல்லப்பட்டுள்ளது. குறித்த துவிச்சக்கர வண்டி யாரால் திருடிச் செல்லப்பட்டது எனத் தெரியவரவில்லை.

இந்த செய்தியை நண்பர்களுடன் பகிர்ந்து கொள்ள...