யாழ். ஏழாலை கிழக்கு
Five star இளைஞர் கழகம் மற்றும் விளையாட்டுக் கழகத்தின் ஏற்பாட்டில் தைப்பொங்கல் விழா ஏழாலை கிழக்கிலுள்ள நட்சத்திரத் திண்ணைப் பள்ளி முன்றலில் நேற்று முன்தினம் ஞாயிற்றுக்கிழமை(14) காலை-09 மணி முதல் இடம்பெற்றது.
விளையாட்டுக் கழகத் தலைவரும், சமாதான நீதவானுமான கருணைநாதன் அபராசுதன் தலைமையில் நடைபெற்ற விழாவில் கிராம இளைஞர், யுவதிகள் கோலமிட்டு, பானை வைத்துச் சூரியபகவானுக்குப் பொங்கல் பொங்கிப் படையல் செய்தனர். தொடர்ந்து இறைவணக்கமும் நடைபெற்றது.
அதனைத் தொடர்ந்து கிராமத்தைச் சேர்ந்த வறுமைக்கோட்டுக்குட்பட்ட 18 சிறுவர், சிறுமிகளுக்குப் பெறுமதியான கற்றல் உபகரணங்கள் வழங்கி வைக்கப்பட்டன.
Five star விளையாட்டுக் கழகத்தின் செயலாளர் சசிகரன் தனது சொந்த நிதியிலிருந்து கற்றல் உபகரணங்கள் கொள்வனவு செய்வதற்கான நிதிப் பங்களிப்பை வழங்கியுள்ளார்.
விழாவின் இறுதியில் கலந்து கொண்ட கிராமத்தவர்கள் அனைவரும் ஒன்றுகூடிப் பொங்கல் உண்டு மகிழ்ந்ததுடன், ஒருவருக்கொருவர் வாழ்த்துக்களும் பரிமாறிக் கொண்டனர்.
இந்த விழாவில்
Five star விளையாட்டுக்கழகப் பொருளாளர் இ. சசிக்குமார் மற்றும் நிர்வாக உறுப்பினர்கள், சிறுவர், சிறுமிகள், கிராமத்தவர்கள் எனப் பலரும் கலந்து கொண்டனர்.
இந்த செய்தியை நண்பர்களுடன் பகிர்ந்து கொள்ள...
0 comments:
Post a Comment