நாட்டில் யுத்தம் இல்லை, வேறு விதமான அச்சுறுத்தல்களும் இல்லை எனக்கூறிக்கொண்டே அரசாங்கம் படை முகாம்களை அகற்றுகிறது. அவ்வாறெனில், ஆர்ப்பாட்டக்காரர்களை ஏன் கடற்படையைக்கொண்டு கட்டுப்படுத்த வேண்டும்? எனக் கேள்வியெழுப்பியுள்ள முன்னாள் ஜனாதிபதி மகிந்த ராஜபக் ஷ கடற்படையைச் சேர்ந்த இருவரை அங்குள்ளவர்கள் தடுத்து வைத்திருந்தபோதும், பொலிஸார் மீது தாக்குதல் மேற்கொள்ளப்பட்ட போதும் அவர்களை மீட்பதற்குக் கடற்படை அனுப்பப்படவில்லை எனவும் தெரிவித்துள்ளார்.
பத்தரமுல்லையில் நேற்று வியாழக்கிழமை(15) இடம்பெற்ற ஊடகவியலாளர் சந்திப்பில் கலந்துகொண்டு கருத்துத் தெரிவிக்கும் போதே அவர் மேற்கண்டவாறு தெரிவித்துள்ளார்.
அவர் இது தொடர்பில் மேலும் தெரிவிக்கையில்,
நாட்டில் இடம்பெறும் ஆட்சி முறை பற்றி தற்போது அனைவருக்கும் நன்கு தெரியும். நாட்டில் தற்போது ஸ்திரத்தன்மை இல்லை. அவ்வாறான கால கட்டத்திலேயே நாம் பணியாற்றிக்கொண்டிருக்கிறோம். மே
மேலும் நாட்டின் பொருளாதார நிலை என்றுமில்லாதவாறு வீழ்ச்சி கண்டுள்ளது. தொழில்வாய்ப்புகளை ஏற்படுத்தித் தருவதாகக் கூறிக்கொண்டு ஆட்சிக்கு வந்த அரசாங்கம் உள்ள தொழில்வாய்ப்புகளையும் இல்லாமலாக்குகிறது.தொடர்ச்சியா
தொழிலாளர்கள் தங்களின் உரிமைகளை பெற்றுக்கொள்வதற்கு போராடும் போது அதற்கான தீர்வைப் பேச்சுவார்த்தை மூலம் வழங்காது கடற்படையினரைக் கொண்டு கட்டுப்படுத்துகின்றனர்.
அம்பாந்தோட்டை துறைமுக ஊழியர்கள் மீது மேற்கொள்ளப்பபட்ட தாக்குதலை ஒருபோதும் அங்கீகரிக்க முடியாது. இதற்கு முன்னர் இவ்வாறு கடற்படையினரைக் கொண்டு ஆர்ப்பாட்டக்காரர்களைக் கட்டுப்படுத்திய சந்தர்ப்பங்கள் பதிவாகவில்லை எனவும் சுட்டிக் காட்டியுள்ளார்.
0 comments:
Post a Comment