நாடாளாவிய ரீதியில் 160 இளைஞர் பாராளுமன்ற உறுப்பினர்களைத் தேர்தல் மூலம் தெரிவு செய்வதற்கு 670 நிலையங்களில் இளைஞர் பாராளுமன்றத் தேர்தல் இன்று ஞாயிற்றுக் கிழமை(18) இடம்பெறுகின்றது.
இதனடிப்படையில், யாழ் மாவட்டத்தின் பத்து இளைஞர் பாராளுமன்ற உறுப்பினர்களைத் தெரிவு செய்வதற்காக இன்றைய தினம் 27 நிலையங்களில் காலை-07 மணி முதல் இளைஞர் பாராளுமன்றத் தேர்தல் வாக்களிப்பு ஆரம்பமாகி பிற்பகல்-04 மணி வரை இடம்பெறவுள்ளது.
யாழ்.மாவட்டத்திற்குரிய இளைஞர் பாராளுமன்றத் தேர்தலில் இலங்கை இளைஞர் கழக சம்மேளனத்தில் பதிவு செய்யப்பட்ட இளைஞர் கழக அங்கத்தவர்கள் மொத்தமாக 12,267 பேர் வாக்களிக்கவிருக்கின்றார்கள்.
பதிவு செய்யப்படும் வாக்குகள் பிற்பகல்-04 மணிக்குப் பின்னர் அந்தந்த நிலையங்களில் எண்ணப்பட்டு இரவு- 07 மணியளவில் தேர்தல் முடிவுகள் வெளியாகவுள்ளது எனத் தேசிய இளைஞர் சேவைகள் மன்ற யாழ். மாவட்ட உதவி இயக்குனர் தெரிவித்துள்ளார்.
0 comments:
Post a Comment