யாழில் வீதியால் சென்ற சிறுமிக்கு ஏற்பட்ட பாதிப்பு

யாழ். மட்டுவில் பகுதியில் தனியார் கல்வி நிலையமொன்றுக்குச் சென்று விட்டு மீண்டும் வீடு நோக்கித் திரும்பிக் கொண்டிருந்த மாணவி மீது மோட்டார் சைக்கிளில் சென்ற இளைஞர் மோதியதில் சிறுமியான குறித்த மாணவி காயமடைந்துள்ளார்.

இந்தச் சம்பவம் இன்று(13) பிற்பகல்- 05:30 மணியளவில் யாழ். மட்டுவில் வேலுப்பிள்ளை சனசமூக நிலையத்திற்கு அருகில் இடம்பெற்றுள்ளது.

இந்தச் சம்பவத்தில் மட்டுவில் பகுதியைச் சேர்ந்த பத்துவயதுடைய மாணவியான சிறுமி காயமடைந்த நிலையில் சாவகச்சேரி ஆதார வைத்தியசாலையில் சிகிச்சைகளுக்காக அனுமதிக்கப்பட்டுள்ளார்.

மேற்படி சம்பவம் தொடர்பாக சாவகச்சேரிப் பொலிஸார் விசாரணைகள்  மேற்கொண்டு வருகின்றனர்.

இந்த செய்தியை நண்பர்களுடன் பகிர்ந்து கொள்ள...