யாழ். ஏழாலை தெற்கு வசந்தபுரம் களபாவோடை வசந்தநாகபூசணி அம்பாள் ஆலய வருடாந்த மஹோற்சவம் நாளை திங்கட்கிழமை(22) முற்பகல்- 10 மணிக்கு கொடியேற்றத்துடன் ஆரம்பமாகவுள்ளது.
தொடர்ந்து பத்துத் தினங்கள் சிறப்பாக இடம்பெறவுள்ள இவ்வாலய மஹோற்சவத்தில் எதிர்வரும்- 28 ஆம் திகதி முற்பகல்- 10 மணிக்கு வேட்டைத் திருவிழாவும், 29 ஆம் திகதி முற்பகல்-10 மணிக்குச் சப்பறத் திருவிழாவும், 30 ஆம் திகதி முற்பகல்-10 மணிக்கு இரதோற்சவமும், 31 ஆம் திகதி தைப்பூரணை நன்னாளில் முற்பகல்-10 மணிக்கு "ஸ்ரீ வசந்த நாகபுஷ்கரணி" தீர்த்தக் கேணியில் தீர்த்தத் திருவிழாவும் நடைபெறவுள்ளன.
மஹோற்சவ காலங்களில் அடியார்கள் வருகை தந்து எல்லாம் வல்ல அம்பாளின் திருவருளைப் பெற்றுய்யுமாறு ஆலய அறங்காவலர் கேட்டுள்ளார்.
ஆலய மஹோற்சவத்தை முன்னிட்டு இன்றைய தினம் ஏற்பாட்டுப் பணிகள் மும்முரமாக இடம்பெற்று வருகின்றமையும் இங்கு குறிப்பிடத்தக்கது.
(எஸ்.ரவி-)
0 comments:
Post a Comment